1890: Nace Ágatha Christie

Tal  día coma hoxe de 1890 nacía Agatha Christie, novelista británica. Foi unha autora de moito éxito no xénero policiaco. Escribiu moreas de libros, a maioría ambientadas na época anterior á Primeira Guerra Mundial. Os seus personaxes máis famosos son Hércules Poirot e Miss Marple. Citar a súa obra sería o conto de nunca acabar, pero aí van uns cantos títulos: Asasinato no Orient Express, Os dez negriños,  Morte no Nilo...Moitas das obras foron levadas ao cine con éxito . Hai que decir tamén que unha peza de teatro súa, A ratoeira, estivo en cartel en Londres máis de vinte anos ( que xa son anos para unha obra de teatro!!)

1253: Nace Marco Polo.

Tal día coma hoxe de 1253 nacía en  Venecia o viaxeiro Marco Polo. Nado nunha familia de mercaderes, estaba destinado a recorrer mundo. Cando era un rapaciño de 17 anos acompañou a seu pai nunha viaxe a China, alí o gran kan converteuse no seu protector e encargoulle varias misións tanto políticas como diplomáticas. Despois duns anos volveu a Venecia e foi capturado polos xenoveses, mentras estivo preso dictoulle O libro de Marco Polo ou Libro das marabillas do mundo  ao escritor Rustichello.

Velaí un mapa cas súas viaxes máis importantes:

Aquí che queda a primeira parte dun documental sobre Marco Polo, se che interesa tes a continuación en Youtube.

Anuncio mítico:Pepsi: Nike contra Adidas.

Se tódolos anuncios fosen así , vería máis a tele...
Boísimo, ou non??

Anuncio mítico: Peta Zetas.

Esta lambetada aínda existe !!!

1920: Nace Mario Benedetti.

Tal día coma hoxe de 1920 nacía en  Uruguay o escritor Mario Benedetti, unha das figuras máis grandes das letras hispánicas.

A súa obra é moi ampla, pero podemos dividila por xéneros para darlle un repasiño:

En narrativa destacan El último viaje y otros cuentos, Quién de nosotros, La tregua, ou a súa autobiografía , La borra del café. Dentro do ensaio podemos citar Peripecia y novela, Marcel Proust y otros ensayos, Sobre artes y oficios. Dentro da súa producción dramática cabe salientar Ustedes, por ejemplo;Ida y vuelta, etc. Dentro da lírica  ,hay tantos títulos que eu recoméndoche que busques a súa Antología poética, hai edicións moi económicas e merece convertila en libro de cabeceira. Por desgraza , xa morreu pero quédanos a súa palabra e a súa voz. Empeza a descubrilo neste enlace: http://amediavoz.com/benedetti.htm.

Mira este vídeo:

1967: Nace o atleta Michael Jhonson.

Tal  día coma hoxe de 1967 nacía en Dallas o atleta estadounidense Michael Jhonson. Foi ouro  cinco veces en tres Xogos Olímpicos e  bateu o récord do mundo de 400 metros con 43'18, marca que segue  intacta a día de hoxe, sendo campión do mundo en catro ocasións.

Así se bate un récord do mundo:

1506: Morre o pintor Andrea Mantegna.

Tal día coma hoxe de 1506 morría o pintor italiano Andrea Mantegna. Figura clave do Renacemento, foi un "revolucionario" no mundo da pintura do seu tempo pola orixinalidade na composición, a calidade do debuxo e o sentido da cor. Para moitos pode ser considerado un precursor do Barroco polo seu emprego da perspectiva. Entre os títulos das súas obras destacan: A crucifixión, Madonna da Victoira, O Parnaso, O Cristo morto, etc.

Aquí quédache un enlace para coñecer mellor a súa obra: http://www.arteespana.com/andreamantegna.htm

E aquí un vídeo por se prefires velo con música, unha marabilla:

Anunico mítico: Coca-Cola , Arconada 1982

O Casillas de fai 30 anos...

Anuncio Mítico: Bitter Kas 1982

Xa pasaron 30 anos, era outra "Roja"...pregunta na casa a ver que nomes recordan !

1977: Matan a Steve BiKo

Tal día coma hoxe de 1977 morría asasinado pola policía Steve Biko, un activista  anti-apartheid. Pasou toda a súa vida loitando pola igualdade de dereitos máis aló de cuestións raciais. Durante anos estivo saíndo e entrando  do cárcere por mor das súas actividades. O 12 de setembro de 1977, foi acribillado polas palas da policía en Port Elizabeth.

Realmente converteuse en lenda unha vez morto. En 1980  o cantante Peter GAbriel publicou un tema na súa memoria, seguiríanlle outras moitas versións. En 1987 Richard Attemborough estrenou a película Cry Freedom na que contaba a vida de Biko protagonizada por Denzel Washington.

1818: Nace o creador da ametralladora Gatling.

Tal día coma hoxe de 1818 nacía  Richard Jordan Gatling, inventor da ametralladora que leva o seu nome. En 1862 fundou a Gatling Gun Company  para comercializala, a compañía sería absorvida pola Colt en 1897. A súa ametralladora foi declarada obsoleta polo exército dos EEUU en  1911. A pena é que non declarasen obsoletas tódalas armas do mundo. Chegará o día??

Aquí vos queda un vídeo explicativo sobre o seu mecanismo:

Anuncio mítico: Baileys , 1990

Bonito, eh?

1973: Pinochet dá un golpe de Estado.

Fai uns días traía ata aquí a victoria de Salvador Allende nas eleccións ao goberno de Chile e deixávavos un vídeo coas súas últimas palabras antes de morrer. Tal día coma hoxe un militar; sen escrúpulos,Augusto Pinochet;  daba un golpe de Estado que enchería de sangue a historia de Chile. Traicionou a Allende e fíxose co poder dunha maneira vil e rastreira, despois endiosouse e non dubidou en mandar executar e tódol@s que dalgún xeito reclamaban a lexitimidade do goberno de Salvador Allende ou choraban a súa morte. Xa sei que aínda fai poucos días que colguei o vídeo coas últimas palabras do lexítimo presidente de Chile, pero creo que é de lei repetilo porque non volverá a haber outro Allende. 

1940: Nace Briam de Palma

Tal día coma hoxe de 1940 nacía en EE.UU. o director e guionista de cine Briam de Palma.

É un home de fonda formación científica, incluso estudiou a carreira de Física e gañou varios premios científicos cando era mozo.  Pero na década dos 60 descubriu o cine e aí empezou todo. A súa lista de obras está chea de grandes éxitos e de grandes  fracasos. Eu só che vou  citar as que seguro que viches anque non souberas que eran súas. Por exemplo: Os intocables de Elliot Ness, Carrie, Misión Imposible, Caracortada, Greetings,...

Viches algunha? Pois agora xa sabes, de Briam de Palma.

Esta igual che pon os pelos de punta:

1524: Nace Pierre Ronsard

Tal día coma hoxe de 1524 nacía  o poeta francés Pierre de Ronsard. Era xordo. En 1550 publicou  Odas, unha serire de obras  que seguían o estilo de Horacio e Píndaro; despois , Amores e Continuación dos amores. Na súa época os  seus poemas valéronlle o título de "príncipe dos poetas franceses" . Outros títulos seus son: Himnos, Discurso sobre as miserias deste tempo, Elexías, mascaradas e pastorais, Sonetos para Elena, etc.

O que sigue é o enlace dunha páxina adicada á  súa obra:

http://amediavoz.com/ronsard.htm

E este un vídeo cun tema basado nun poema seu, en francés, claro.