Tachaaan! Unha curta de animación xenial.

Hai que saber aceptar a derrota, non?

Os polbos. Curta de animación.

A isto chamáselle "loitar polo noso amor":

1922: Nace Saramago.

Saramago.

O 16 de novembro de 1922 nacía en  Azhinhaga (Portugal) José Saramago. Empezou a súa carreira de escritor como periodista , despois seguiría coa poesía e coa novela. A lista das súas obras é moi longa,  O ano da morte de Ricardo Reis, Tódolos nomes, A balsa de pedra, Ensaio sobre a cegueira, Cadernos de Lanzarote O cerco de Lisboa...

En 1998 concedéronlle o Premio Nobel de Literatura. Morreu o 18 de xuño de 2010 na súa casa de Lanzarote. O seu legado é inmortal, non só pola súa obra, tamén polo seu pensamento e a súa loita por un mundo diferente e mellor.

Neste vídeo recóllense algunhas frases súas:

1942. Nace Barenboim.

Daniel Barenboim.

O 15 de novembro de 1942 nacía en Bos Aires o director de orquestra de orixe xudea Daniel Barenboim. É un home polémico, ten a nacionalidade israelí e a palestina e está naturalizado español. No ano 2001 interpretou en Israel unha obra do alemán Wagner provocando moitas críticas. Xa en 1999 dera que falar ao organizar a Orquestra do Diván Este-Oeste co seu amigo palestino Edward Said, na que tocan xuntos músicos de orixe israelé, árabe e española, nun intento por unir e buscar formas alternativas( simbólicas, por desgraza) de conseguir a paz. Ao longo da súa carreira colleitou numerosos premios.

Aquí queda interpretando un tema ao piano:

1903: Morre o pintor Pissarro.

Autorretrato. Pissarro.

O 13 de novembro de 1903 morría en París o pintor Camille Pissarro. Nos primeiros anos da súa carreira viuse influenciado por mestres como Corot ou Turner. A partir de 1871 empezou a interesarse polo impresionismo, os seus temas e as súas técnicas. Desde entón empezou a pintar paisaxes urbanas de París. Empregou diferentes medios para crear a súa obra : litografía, óleo, acuarela e augaforte. Entre os seus cadros destacan Xardín das Tullerías, Vista de Pontoise, Efectos de neve, etc.

No seguinte vídeo poderás coñecer o mellor da súa produción:

1850: Nace Robert Louis Stevenson.

O 13 de novembro de 1850 nacía en Edimburgo Robert Lewis Balfour, coñecido como Robert Louis Stevenson. Viaxou moito polos mares do Sul e viviu en Samoa ata a súa morte. A súa especialidade eran as novelas de aventuras protagonizadas por personaxes de dudosa moral nas que plantexaba as súas dúbidas éticas.  Os seus títulos máis destacados son A illa do tesouro, O extraño caso de Dr Jekyll e Mr. Hyde , Catriona, O señor de Ballantrae,etc.

Curta de animación: Mariza.

1840: Nace Auguste Rodin.

"O bico" de Auguste Rodin.

Tal día coma hoxe, o 12 de novembro de 1840 nacía en París o escultor Auguste Rodin. Un dos mestres do realismo escultórico, as súas obras están cheas de expresividade  psicolóxica e dun perfecto manexo da anatomía humana. Son moitos os títulos que habería que citar , pero os máis coñecidos son O bico, A idade de bronce, O pensador...

Déixoche un vídeo para que lle des un repaso a súa obra.

O nazismo visto polo Pato Donald. (1944)

Aquí vai unha curta de Disney ridiculizando o nazismo.

1831:É aforcado Nat Turner, antiescravista negro.

Tal día coma hoxe o 11 de novembro de 1831 foi axusticiado en Virxinia (EEUU) o escravo negro Nathaniel "Nat" Turner, un dos maiores antiescravistas na Guerra de Secesión  americana.

O 21 de agosto daquel ano encabezou unha rebelión. El e os seus  compañeiros pasaron a noite liberando escravos de casa en casa coa consigna de matar a tódolos blancos. En total morreron 55 persoas antes de que os rebeldes fosen detidos. Estivo meses fuxido  ata que o prenderon e foi xulgado e condeado a morte. Aforcárono  decapitárono e cortárono en anacos. Din que houbo xente que gardou partes do seu corpo como recordo.

Turner quería mellorar as condicións de vida da súa raza pero o que conseguiu foi que se endurecesen as leis. Para algún afroamericano é un heroe. 

Está claro que se equivou na forma. A violencia só xenera violencia.