1858: Nace Puccini.

O 22 de decembro de 1858 nacía Giacomo Puccini, compositor italiano. Pasou á historia da música polas súas óperas, entre elas destacan Madame Butterfly, La Bohème, Tosca e Il Trittico. Ademais é autor de composicións relixiosas e sinfónicas. 

Aquí tes un anaquiño de Madame Butterfly:

1870: Morre Bécquer.

Tal día coma hoxe, o 22 de decembro de 1870 morría en Madrid Gustavo Adolfo Bécquer. É , sen dúbida, un dos máis grandes da poesía en castelán.  Autor das famosas Rimas, tamén demostrou o seu talento na prosa escribindo as Leyendas, unha serie de relatos  fantásticos con elementos sobrenaturais e misteriosos.

Se aínda non liches ningún escrito seu , é hora de que te poñas á faena. Aquí vai un enlace para navegar polas súas Rimas: http://cvc.cervantes.es/obref/rimas/ e este outro para as Leyendas: http://www.analitica.com/bitblioteca/becquer/leyendas.asp. 

1913: Publícase o primeiro encrucillado da historia.

Primeiro encrucillado da histori

O 21 de decembro de 1913 publicábase o primeiro encrucillado da historia no periódico New York World. Apareceu  nun suplemento dominical e o seu creador foi Arthur Wynn.  Se queres podes tentar resolvelo!!

1937: Estréase "Blancaneves".

O 21 de decembro de 1937 estreábase  no Carthay Circle Theater de Hollywood a primeira longametraxe de animación de Walt Disney. É unha adaptación dun conto recollido polos Irmáns Grimm na súa escolma de relatos da tradición europea.

Aquí deixo a primeira doblaxe ao castelán (1938).

1812: Publícanse os Contos dos irmáns Grimm.

Irmáns Grimm.

O 20 de decembro de 1812 os irmáns Grimm publicaban a primeira edición dos seus contos. Por este motivo  hoxe comeza o Ano Grimm que se prolongará no 2013.

En realidade, os textos non son obra dos Grimm, eles eran filólogos e adicáronse a recoller relatosque circulaban oralmente por Alemaña.

Como non podía ser doutro xeito, para celebralo propóñovos reler algún dos seus contos, nunca se é demasiado maior para ler historias .

Big Catch Animation.

Unha curta xenial. Porque non podemos perder o sentido do humor.

1982: Morre o pianista Rubinstein.

O 20 de decembro de1982 morría en Suiza o pianista norteamericano de orixe polaca Arthur Rubinstein. Destacou na súa carreira musical polas súas interpretacións de Chopin , Falla ou Stravinski.

Escoita esta marabilla:

BIRDBOY

Unha curta de animación premiada cun Goya.

Anuncio monecas de Famosa

Agora que xa estamos na campaña de Nadal , un recordo dos anuncios de monecas de Famosa, pregunta na casa, verás como lembran a canción.

1843: Publícase "Conto de Nadal" de Dickens.

O 17 de decembro de 1843 publícase por vez primeira o Conto de Nadal de Charles Dickens.

Todas as obras deste escritor británico teñen unha forte carga social e histórica unida a un especial sentido do humor que aparece mesturado con certa tristura ate chegar ,en ocasións, ao melodrama. Dickens defende sempre aos máis pobres e desfavorecidos.

En Conto de Nadal pretende que o lector tome conciencia na necesidade de compartir e pensar nos demais.

A continuación tes unha versión animada da historia. Está dividida en tres partes, aquí vai a primeira.

Coca-Cola: Anunico de Nadal clásico.