09/02/2013
08/02/2013
O emprego
Os seres humanos vivimos nunha sociedade marcada polo traballo : o emprego impón os nosos horarios, os nosos ingresos e o noso lugar na sociedade...; porque para que un estea arriba , outros teñen que estar abaixo.
Esta curta reflexa unha realidade terrible que nos debe levar á reflexión.
1828: Nace Jules Verne.
O 8 de febreiro de 1828 nacía en Nantes o escritor francés Jules Verne. Apareceu na escea literaria con Cinco semanas en globo, unha novela de aventuras, con certo ton didáctico e cun profundo interese polos avances tecnolóxicos e científicos. Escribiu arredor de 60 obras, é difícil escoller. Propóñoche varios títulos para que te animes a ler: Viaxe ao centro da terra, Os fillos do CApitán Grant, A volta ao mundo en oitenta días, Miguel Strogoff, etc.
Sen dúbida, Verne foi un adiantado ao seu tempo, nas súas novelas anticípase á creación de máquinas e trebellos que entón non existían (a viaxe á lúa, o aeroplano, o submarino, etc.) polo que se considerou un precursor da ciencia-ficción.
07/02/2013
Melancólico soño dun robot.
Sempre hai un chisco de esperanza, hai que intentalo. Pequenos esforzos poden facer grandes cambios.
06/02/2013
05/02/2013
1967: Morre Violeta Parra.
O 5 de febreiro de 1967 morría en Santiago de Chile a cantautora Violeta Parra. Foi unha das figuras chave na historia da música chilena non só polas súas composicións senón tamén polo seu traballo de investigación e recopilación do folclore chileno . As súas cancións inclúense dentro da canción protesta da época, pero tamén ten algunhas de carácter íntimo e persoal. Entre os seus títulos , sen dúbida, destacan Gracias a la vida e Volver a los 17.
A min gústanme as dúas pero aquí vou incluir Gracias a la vida porque penso que hai que dar grazas sempre , mesmo polas pequenas cousas , porque de ben nacidos é ser agradecidos. O impactante deste tema,que parece un canto á vida e a alegría de vivir, é que despois de compoñelo, Violeta suicidouse. Cousas que ten a vida...
04/02/2013
1794: Francia abole a escravitude.
O 4 de febreiro de 1794 a Convención Nacional de Francia aboleu a escravitude. Máis tarde, o 20 de maio de 1802 ,Napoleón restableceuna. Houbo que agardar ata o 27 de abril de 1848 para que a abolición fora definitiva.
Hoxe segue habendo escravos na sociedade actual: escravos e escravas sexuais de tódalas razas e idades, escravos da industria téxtil, da minaría, das mafias... Tantas revolucións para seguir coas mesmas desigualdades !!
03/02/2013
Subscrever:
Mensagens (Atom)