Clocktower

Estariamos todos dispostos a sacrificarnos polo ben común?

1939: Morre Antonio Machado.

O 22 de febreiro de 1939 morría en Collioure (Francia) o poeta Antonio Machado. Tivera que fuxir de España por mor da Guerra Civil. Aínda que era sevillano, logo marchou a Madrid coa familia. Viviu e estudou alí. Despois traballou en París e , xa de volta en España, en 1903 publicou o seu primiero poemario , Soledades, que máis tarde sería Soledades, galerías y otros poemas. Froito das súas vivencias personais e do seu paso por Soria , aparece Campos de Castilla (1912) . Posteirormente verán a luz Poesías completas e Nuevas Canciones. En 1937 publícase Juan de Mairena e Sentencias, donaires, apuntes y recuerdos de un profesor apócrifo. Ademais, co seu irmán Manuel escribiu teatro: La Lola se va a los puertos ou El hombre que murió en la guerra.

Aquí vai un vídeo dunha canción de Serrat a partir dun poema de Machado:

1903: Nace Anaïs Nin.

Hoxe, 21 de febreiro, Anaïs Nin cumpriría 110 anos. Naceu no 1903 en Francia, de ascendencia cubana. Morreu como norteamericana despois de 74 intensos anos cheos de experiencias que ela recolleu en 35.000 páxinas manuscritas  que se publicaron baixo o título de Diarios. Neles aparecen moitas das figuras senlleiras da época que viviu Anaïs Nin. A escritora  repasa a perda de seu pai , o erotismo ou a súa identidade sexual nunha prosa chea de simbolismo e imaxes oníricas, moi próxima ao surrealismo. Ademais desta obra ten outros títulos como A casa do incesto, Inverno do artificio ou Delta de Venus ( unha colección de relatos eróticos).

Día Internacional da Lingua Materna: 21 de febreiro

Por que se celebra o 21 de febreiro o Día da Lingua Materna? En 1952 un grupo de estudantes de Bangladesh manifestábase pedindo que a súa lingua materna, o bangla, fose recoñecida como lingua oficial. Tres daqueles mozos morreron por disparos da policía. A constitución de Pakistán recoñeceu, catro anos máis tarde, o bengalí e o urdo como linguas oficiais do país.
En 1999 a UNESCO declarou o 21 de febreiro como Día Internacional da Lingua Materna.
A miña lingua materna é o galego . 

Father and Daughter.

Unha curta emocionante, sentida, tenra , sinxela na súa facturación pero conmovedora e gañadora do Óscar ao mellor corto de animación do ano 2000.

1898: Nace Enzo Ferrari.

Ferrari 125 ( 1947)

O 18 de febreiro de 1898 nacía en Módena (Italia) o fundador da Scuderia Ferrari, Enzo Anselmo Ferrari. Empezou na industria automobilística nunha pequena fábrica, a CMN, de Milán. Alí compra un Alfa Romeo de segunda man e empeza a competir en carreiras. Logo destaca  e a casa Alfa Romeo contrátao. Na Segunda Guerra Mundial , xa co seu propio negocio, vese obrigado a traballar para o goberno fascista. En 1940 funda a Auto Auro Construzioni Ferrari. Rematada a Guerra, retoma as carreiras de coches e deseña o Ferrari 125. A partir de entón empezou unha carreira imparable de éxitos e tropezos que remataría coa súa morte en 1978.

Tolerantia

A intolerancia destrúe todo o que atopa ao seu paso sen que reparemos no esencial do xénero humano. Sen palabras , cunhas imaxes moi ben escollidas , só co imprescindible Yván Ramadán consegue unha curta impecable chea de significado e de mensaxe para quen queira entender.

!937: Morre Horacio Quiroga.

 

 

O 19 de febreiro de 1937, o escritor Horacio Quiroga poñía fin a súa vida nun hospital de BB.AA. despois de enterarse de que padecía un cancro de próstata. Empezou como escritor cun libro que mezcla  verso e prosa, Arrecifes de coral. Tamén foi autor dun par de novelas , pero o xénero que o consagrou como escritor foi o conto. Algúns críticos ven nas súas narracións influenzas de AllanPoe. Mais Quiroga ten un estilo propio. As súas obras están ambientadas  na selva, corresponden a este grupo títulos como  Cuentos de amor, de locura y de muerte, Cuentos de la selva, Anaconda,ete. O máis impactante da prosa de Quiroga é o realismo co que ambienta  os seus relatos e o creíble das tramas , sempre cheas de violencia, horror ou loucura, xunto cunha fina observación da conduta humana que nos leva a crer que realmente nos pode pasar o que está contando.

128 anos da publicación de Huckleberry Finn

Tal día coma hoxe de 1885 Mark Twain publicaba a súa novela As aventuras de Huckelberry Finn. A obra transcurre na beira do río Mississippi e os seu protagonista, Huck, vive moreas de aventuras. Nunha obra anterior, As aventuras de Tom  Sawyer, Huck faíse con 6000 $  co seu amigo Tom. Agora ;Huck é o protagonista da súa propia novela na que seu pai, un alcohólico sen escrúpulos, o secuestra para quedarse cos seus cartos. Así que Huck terá que...

En fin, se queres saber máis, le a obra.

Regarei con bágoas os teus pétalos.

A historia da relación entre unha rosa e unha pinga de auga contada por...

Perfeito

E se fose posible crear un amor á nosa maneira? Unha curta que casa dun xeito extraordinario a música, a imaxe e a historia. Disfrútaa.

1836: Nace Bécquer.

O 17 de febreiro de 1836 nacía en Sevilla o escritor Gustavo Adolfo Bécquer, de nome real G.A. Domínguez Bastida. Viviu ata os 18 anos en Sevilla e despois trasladouse a Madrid. Como tiña un irmán pintor, Valeriano, viaxou moito por diversas cidades. En 1858 enfermou de gravidade e pasou a súa convalecencia  escribindo El caudillo de las manos rojas, a primeira das súas famosas Leyendas, un conxunto de relatos fantásticos con elementos sobrenaturais. É considerado o iniciador da poesía moderna española e a súa influenza chega ata os nosos días.  Entre os anos 1867 e 68 escribiu a maior parte das súas Rimas, pero, cousas do destino, perdéronse e só puido recuperar as que recordaba de memoria. Ademais das obras citadas, tamén escribiu sobre teoría literaria en Cartas literarias a una mujer e fantásticas descripcións de paisaxes en  Cartas desde mi celda. No seguinte enlace podes buscar máis información : http://www.cervantesvirtual.com/bib/bib_autor/becquer/